"DE GÚELTA AL LLAR"


Güelvo a tos llares, Asturies,

Respigadìn y encoyìo,

dispuès d'andar per el mundo

pasao màs de medio siglo;

per caminos empinaos

au nada me foi propicio,

pos hasta les mesmes flore

que s'atopanon comigo

pa que yo no les tocase

golvìn les fueyes espinos.

Traigo l'alma llen de pena

y el cuerpo xelao de frìo.

Güelvo co la ideya puesta

d'acabar co lo sofrìo,

añeradin al atecho

del callor del tò cariño.

Vengo a fondir en tò ser,

Asturies , todo'l ser mìo.

Quiero ser Xana en tòs fontes,

quiero ser ñebla en tòs riscos;

ser yerba verde en tòd praos

y agua serena en tòs rios.

Ser pegollo en tòs paneres

y llamuerga en tòs caminos;

fuelli y roncòn en tòs gaites,

piña y corteza en tòs pinos.

Ser en tòs llagares sidra

y en tòs panoyes maizo.

Llarimina en tò dollor

y risa en tò regocixo.

Quiero ser esa alboriada

afalago del oyìo

qu'enterpreten, naide sabe

per que manes derixìos,

los ñarbatos nos lloreos,

xunto a les cueves los grillos,

los gallos e nes quintanes,

el viento sobre'l vericio;

y les agües del regato

cuando van camìn del rìo.

Quiero golver a sentame

n'antoxana a char un pito,

oyendo al carro cuntar,

berrando pe los caminos,

mil d'hestories deprendides

'n el rodar de munchos siglos.

Quiero golver a falar

na fala que siendo crìo

tornaba la vaca en prao

y rezaba'l catecismo

sentadìn xunto a mìo güela

al par del llar encendìo.

Quiero correr tòs caleyes

y entrar en tòs caserìos;

chame nes tòs pomarades,

au ya non son les manzanes

fruto d'amor prohibìo;

si non presencia perpetua

de tò ser e nel prencipio,

cuando no yeres si non

monte, campo, mar y rìo,

fontanes, brises, aromes

y manzanos florecìos.

Como quisiera atopate

al golver a tì vencìo.

Como quiero que me cueyas

cuando en tos brazos rendìo,

cierrando fuerte los güeyos

quede pa siempre dormìo.

B.G.R. (Cantando a Asturias)







































2 comentarios:

Algaire dijo...

Hola Cani, te felicito por dedicar este blog a un poeta del que soy gran admiradora desde hace tiempo.
Siento que me enteré en un momento en el que yo tengo mis tres blogs parados por falta de tiempo, pero te puedo decir que por lo que pude ver tu blog está muy bien, con buenas fotografías, con esos personajes tan queridos de la mitología asturiana y como no, con las poesía maravillosas de Bernardo Guardado.
Un abrazo y ánimo, te deseo mucha suerte y haré lo que esté en mi mano para dar a conocer tu blog y de paso a Bernardo.
Un abrazo

Cani dijo...

Gracias por tu comentario,decirte que tu eres, en una gran parte, responsable de que haya emprendido esta tarea, pues fue ver la poesia de mi padre en tu blog lo que mas me animo a comenzarlo.