Taba`l xilguerìn cantandu
e na rama d'un lloreu,
retozandu alborozau
al callorcìn mañaneru
de los rayinos del sol
que cayìn sobre`l del cielu.
Ya foise a matar la sede
d'amanecìu a un regueru
y andoviera po les güertes
axenciandu el sò pan nuestru,
isi pan que Dios nos manda
ganar co nel propiu esfuerzu,
ente los verdes maizos
y les caxines d'arbeyos.
Yeren los sòs cantarinos
metà verdà y metà sueñu;
yeren dolces ellosiones
que bollìn dientru del ñeru
aondi la sò xilguerina,
chadina sobre los güevos,
taba a l'aspera de dai
un bandadìn de xilgueros.
Non pensaba'l paxarin,
feliz 'n aquellos momentos,
tener denguna razòn
pa sentir dengùn recelu.
Por eso taba tranquilu,
canta que canta'n lloreu.
¿Dàu diaños pudo salir
aquel condenau de neñu,
que mialma non llevantaba
tres cuartes per riba'l suelu,
ta gacho y azorramplau,
con el andar tan arteru
y tan males entenciones
nes gomes del so gomeru?
¿D¡au diaños pudu sallir
aquel condenau de neñu?
-Non cantes màs, xilguerin,
que au queden pel mundu neñus
que non saben estimar
los cantos de los xilgueros.
Non mires tanto p'arriba
pensandu que sòlu hay cielu,
qu' existen tamièn caleyes
au ta la maldà al acechu,
a l'aspera de d'atrapar
al que no te bien dispiertu.
Mira'l pelligru que cuerres
na màs que por tar contentu.
Non Cantes màs, xilguerìn,
baxa los güeyos pa'l suelu
y en viendu lo que ha debaxu
llevanta rapidu'l vuelu.-
Gritabai la xilguerina
desde les payes del ñeru.
Pero antes que los sòs gritos
llegò la piedra'l lloreu,
dexando mudos los trinos
d'aquel allegre alboreu
que na mañana apacible
enterpretaba'l xilgueru.
morrio co nel l'asperanza
que taba añerada'n ñeru,
al dixe la xilguerina,
lloca de dollor y mieu,
pe los caminos allantre,
dexandu solos los güevos
aondi s'estaba encobandu
un bandadìn de xilgueros,
que cuando foisen crecìos
lo mesmo que'l padre muertu,
ferin la mesma llabor
de dir beber al regueru,
y de axenciar el sò pan
entre maizos y arbeyos,
pa llueu dir allegrar
les rames de los lloreos.
¿D'au diaños pudo salir
aquel condenau de neñu
con tan torcida entenciòn
nes gomes del so gomeru?
Adios, xilguerìn graciosu,
asperu tar e no ciertu
al soponete cantandu
llen d'elosin y contentu,
retozandu alborozau
al callorcìn de lo eterno
axenu a toda maldà,
en sin plizca de recelu,
sobìu sobre un rama
d'un arbolin e nel cielu.
e na rama d'un lloreu,
retozandu alborozau
al callorcìn mañaneru
de los rayinos del sol
que cayìn sobre`l del cielu.
Ya foise a matar la sede
d'amanecìu a un regueru
y andoviera po les güertes
axenciandu el sò pan nuestru,
isi pan que Dios nos manda
ganar co nel propiu esfuerzu,
ente los verdes maizos
y les caxines d'arbeyos.
Yeren los sòs cantarinos
metà verdà y metà sueñu;
yeren dolces ellosiones
que bollìn dientru del ñeru
aondi la sò xilguerina,
chadina sobre los güevos,
taba a l'aspera de dai
un bandadìn de xilgueros.
Non pensaba'l paxarin,
feliz 'n aquellos momentos,
tener denguna razòn
pa sentir dengùn recelu.
Por eso taba tranquilu,
canta que canta'n lloreu.
¿Dàu diaños pudo salir
aquel condenau de neñu,
que mialma non llevantaba
tres cuartes per riba'l suelu,
ta gacho y azorramplau,
con el andar tan arteru
y tan males entenciones
nes gomes del so gomeru?
¿D¡au diaños pudu sallir
aquel condenau de neñu?
-Non cantes màs, xilguerin,
que au queden pel mundu neñus
que non saben estimar
los cantos de los xilgueros.
Non mires tanto p'arriba
pensandu que sòlu hay cielu,
qu' existen tamièn caleyes
au ta la maldà al acechu,
a l'aspera de d'atrapar
al que no te bien dispiertu.
Mira'l pelligru que cuerres
na màs que por tar contentu.
Non Cantes màs, xilguerìn,
baxa los güeyos pa'l suelu
y en viendu lo que ha debaxu
llevanta rapidu'l vuelu.-
Gritabai la xilguerina
desde les payes del ñeru.
Pero antes que los sòs gritos
llegò la piedra'l lloreu,
dexando mudos los trinos
d'aquel allegre alboreu
que na mañana apacible
enterpretaba'l xilgueru.
morrio co nel l'asperanza
que taba añerada'n ñeru,
al dixe la xilguerina,
lloca de dollor y mieu,
pe los caminos allantre,
dexandu solos los güevos
aondi s'estaba encobandu
un bandadìn de xilgueros,
que cuando foisen crecìos
lo mesmo que'l padre muertu,
ferin la mesma llabor
de dir beber al regueru,
y de axenciar el sò pan
entre maizos y arbeyos,
pa llueu dir allegrar
les rames de los lloreos.
¿D'au diaños pudo salir
aquel condenau de neñu
con tan torcida entenciòn
nes gomes del so gomeru?
Adios, xilguerìn graciosu,
asperu tar e no ciertu
al soponete cantandu
llen d'elosin y contentu,
retozandu alborozau
al callorcìn de lo eterno
axenu a toda maldà,
en sin plizca de recelu,
sobìu sobre un rama
d'un arbolin e nel cielu.
B.G.R. (Cantando a Asturias)
