"La manzana prohibida"


"LA MANZANA PROHIBIDA"

Llegò la moza al pomar

y coyendo una manzana

foì con ella dà-yla al mozo,

llende de fueu so mirada.

Manzana de piel de seda,

de verde y rosa bordada.

La moza diba desnuda,

al aire so carne casta,

que por entòs non cayera,

anque se tambaleara,

nel pecàu de char so cuerpu

nel suelu sobre la paya.

Cuando tal asocediera,

cuando ya no fore casta,

ya lo tendrìa ella presente

y se vistirìa de parra.

El mozu sintìo reparos

en comer de la manzana.

Pos la moza non yera ama

del pomar u la coyera;

la fruta yera robada.

La moza coyò y corto

pola metà la manzana,

ponièndo-y al descubiertu

el secretu de so entraña.

Una entraña suave, fresca,

como agua d'una fontana;

tibia como'l primer rayu

del sol cuando llega l'alba.

Sintiòse'l mozu cimblar

mesmo que cimbla la vara

cuando la mece la brisa.

Vio que la sangre-y quemaba

y un leve frìu-y corrìa

pel rosario de la espalda.

El pecàu taba presente

y col pecàu l'amenaza

de perder toos lo bienes

que so castidà gociaba.

El castugu yera grande,

de cayer ena asechanza

que la rapaza-y tendìa.

Pero la impura manzana

ofrecìa-y el secretu

d'una carne inmaculada,

que-y encendìa'l sentìu

cada vez que la miraba.

Dixo non; mui levemente.

La moza siguiò a la carga.

Cegò'l mozu nun instante,

sintìo nos dientes la llama

d'un non sè què; y fo clavalos

na carne de la manzana..

Fuenon aquellos momentos

ruxìos d'oles na playa,

fueu d'ardiente foguera,

fiera tormenta... La calma

d'un sospirar saltarìn

que càsique lu afogaba.

Mui grande serìa'l castigu,

dura seria la venganza

por faltar a la obediencia

que d'un principiu acetara.

Mas e placer disfrutàu

col sabor qu'entòs probara

daba por mui bien pagà

la cuenta que se-y pasara.

Al prontu yera dichosu

aunque màs tarde llorara;

cuando ya non diera gusto,

por secase, la manzana.

Si yera cara so dicha

la dicha siempre foi cara.

Pero, de querer vivir,

non queda màs que pagala.

B.G.R. (Màs Espines que Roses)

1 comentario:

joshua dijo...

I gotta say that this is one of the very best blogs I've ever visited yet.

Congrats! And take these words like a blossom blessing as I'm bloging around.

PALAVROSSAVRVS REX